#грошы #асабісты бюджэт #крэдыты #крэдытная гісторыя
Друк

Слова "канікулы" яшчэ з дзяцінства асацыюецца з бесклапотнымі днямі, калі можна расслабіцца і забыцца на руцінныя абавязкі. Канікулы, дарэчы, бываюць не толькі школьнымі, але і крэдытнымі.

Разбярэмся, як працуе механізм прадастаўлення крэдытных канікул і ў якіх выпадках банк можа задаволіць крэдытаатрымальніку "канікулы".

Што такое крэдытныя канікулы?

Крэдытныя канікулы — гэта перыяд, на працягу якога кліенту даецца адтэрміноўка выплат па крэдыце. Можна сказаць, што банк выкарыстоўвае гэты механізм, каб падтрымаць кліента. Важна разумець, што банк зацікаўлены ў тым, каб вы выканалі свае абавязацельствы па выплаце крэдыту і працэнтаў.

У выпадку прадастаўлення крэдытных канікул, плацяжы па крэдыце пераносяцца на больш позні тэрмін у параўнанні з тым, які пазначаны ў дагаворы. Гэта можа датычыць як вяртання асноўнага доўгу, так і выплаты працэнтаў па крэдыце.

На якіх падставах можна атрымаць крэдытныя канікулы?

Устаноўленага на заканадаўчым узроўні пераліку падстаў для атрымання крэдытных канікулаў няма. Для лепшага разумення падзелім асноўныя прычыны, на аснове якіх банк можа прыняць станоўчае рашэнне, на некалькі груп.

Першая група прычын звязана са зніжэннем даходаў крэдытаатрымальніка. Гэта можа здарыцца, напрыклад, калі вас перавялі на няпоўную стаўку, адправілі ў неаплатны адпачынак ці скарацілі на працы. Зніжэнне даходаў больш чым на 30% стане для банка сігналам, што кліенту патрэбна падтрымка.

Другая група прычын звязана з праблемамі са здароўем у вас ці членаў вашай сям'і. Вытворчыя траўмы, набытая інваліднасць, прафесійныя захворванні, якія прывялі да страты працаздольнасці, таксама могуць стаць прычынай для прадастаўлення крэдытных канікулаў. Таксама банк можа пайсці вам насустрач, калі праблемы са здароўем у членаў вашай сям'і.

Да трэцяй групы можна аднесці непрадбачаныя буйныя выдаткі. Дарожна-транспартнае здарэнне, пажар ці іншыя надзвычайныя абставіны могуць пацягнуць вялікія траты. Калі даходы кліента рэзка зніжаюцца ці ў яго ўзнікаюць непрадбачаныя расходы, крэдытныя канікулы дапамагаюць зменшыць нагрузку на бюджэт і зладзіцца з фінансавымі цяжкасцямі, пазбегнуць пратэрміновак, захаваць крэдытную гісторыю ў добрым стане.

Крэдытныя канікулы як спосаб захавання лаяльнасці

Калі банк адкрыта кажа аб тым, што можа даць крэдытныя канікулы ў выпадку форс-мажору, гэта не можа не выклікаць сімпатыю кліентаў.

Якія дзейнічаць, каб аформіць крэдытныя канікулы?

Калі ваша фінансавая стабільнасць пахіснулася, не варта адкладаць на доўгі тэрмін размову з банкам па пытанні крэдытных канікулаў. Чым раней пачнецца дыялог, тым больш шанцаў на тое, што вам пойдуць насустрач. Памятайце, што банку патрабуецца час на разгляд заявы аб адтэрміноўцы плацяжоў. Важна, каб на момант падачы такой заявы ў вас не было пратэрмінаванай запазычанасці.

Для атрымання крэдытных канікулаў патрэбна:

1. Вывучыце ўмовы крэдытнага дагавора, у тым ліку раздзелы, якія датычацца запыту на крэдытныя канікулы. Азнаёмцеся з працэдурай звароту ў банк, калі яна зафіксавана ў дамове.

2. Наведайце афіцыйны сайт банка і знайдзіце раздзел, дзе можна падаць заяву аб прадастаўленні адтэрміноўкі. Часта на сайтах банкаў ёсць спецыяльная форма, якую трэба запоўніць.

3. Звяжыцеся з кансультантам банка, выкарыстоўваючы даступны спосаб сувязі: гэта можа быць званок у кантакт-цэнтр або анлайн-форма звароту на сайце. Задайце пытанні аб працэдуры атрымання крэдытных канікулаў і ўдакладніце, які пакет дакументаў вам трэба сабраць для пацверджання пагаршэння фінансавага становішча.

4. Збярыце неабходныя дакументы, якія пацвярджаюць пагаршэнне фінансавага становішча. Напрыклад, копіі загадаў аб прастоі, даведка аб складзе сям'і, выпіска з медустановы. На ўсялякі выпадак, падрыхтуйце некалькі завераных копій дакументаў.

5. Напішыце заяву аб адтэрміноўцы плацяжоў па крэдыце, выкарыстоўваючы форму, прапанаваную банкам, або ў адвольнай форме. Прыкладзяце пацвярджальныя дакументы або іх копіі да заявы.

Яшчэ раз падкрэслім, што да таго, як папрасіць крэдытныя канікулы ў банку, важна не дапускаць пратэрміновак па плацяжах. Па заканчэнні крэдытных канікулаў важна вярнуцца да выканання дагаворных абавязацельстваў з банкам: акуратна і ў тэрмін уносіце штомесячны плацеж, каб захаваць добрую крэдытную гісторыю і даверныя адносіны з банкам.

Відавочна, што крэдытныя канікулы з'яўляюцца важным інструментам для тых, каму спатрэбілася часовая "перадышка" у выкананні крэдытных абавязацельстваў. У выпадку фінансавых цяжкасцяў заўсёды варта абмеркаваць магчымасць атрымання крэдытных канікулаў з банкам, каб знайсці найбольш прыдатнае для абодвух бакоў рашэнне.