19 чэрвеня на базе Дзяржаўнай установы адукацыі "Акадэмія паслядыпломнай адукацыі" прайшоў форум інавацыйных ідэй "Тэрыторыя фінансавай граматнасці".
Асноўнай мэтай форума было выяўленне і распаўсюджванне інавацыйных ідэй у сферы развіцця фінансавай граматнасці, абмен педагагічным вопытам выкарыстання эфектыўных практык і пашырэнне прасторы прафесійных зносін педагогаў.
Актуальнасць тэмы форума вызначаецца тым, што фінансавая граматнасць з’яўляецца адной з ключавых кампетэнцый ХХІ стагоддзя і сістэмная працаў гэтым накірунку дапаможа назапашванню вучнямі эканамічна карысных ведаў, якія дапамогуць ім быць паспяховымі ў жыцці. Фінансавая адукацыя з'яўляецца інавацыйным складнікам педагогікі і методыкі навучання і адлюстраваннем сучасных працэсаў развіцця інфармацыйнага грамадства.
У форуме прынялі ўдзел больш за 35 прадстаўнікоў педагагічнай грамадскасці з розных регіенаў рэспублікі, сярод якіх былі удзельнікі інавацыйных пляцовак, прадстаўнікі рэгіянальных метадычных служб і сістэмы дадатковай адукацыі дарослых. Арганізатарам форуму стаў цэнтр прафесійнага развіцця і інвацыйнай адукацыі ДУА "Акадэмія паслядыпломнай адукацыі".
З прывітальным словам да ўдзельнікаў форума звярнулася намеснік начальніка цэнтра развіццевых педагагічных тэхналогій, член экспертнага савета па інавацыйнай дзейнасці Сурыкава Аксана Валянцінаўна. У сваей прамове яна адзначыла, што гэта мерапрыемства мае вялікае значэнне для ўсей педагагічнай супольнасці, бо менавіта інавацыйны складнік адукацыі з’яўляецца вызначальным для рзвіцця ўсяго грамадства.
Начальнік цэнтра прафесійнага развіцця і інавацыйнай адукацыі Радзевіч Алена Уладзіміраўна прааналізавала шляхі павышэння фінансавай граматнасці навучэнцаў праз рэалізацыю інавацыйнага праекта "Укараненне мадэлі фарміравання фінансавай пісьменнасці як адной з кампетэнцый вучняў з дапамогай стварэння адукацыйнага медыяасяроддзя". З дапамогай SWOT аналіза былі вылучаны асноўныя моманты рэалізацыі праекта, сярод якіх - павышэнне ўзроўня як фінансавай, так і медыя граматнасці; пашырэнне рэсурснай базы адукацыйнага працэсу за кошт актыўнага супрацоўніцтва ўстаноў адукацыі з прадстаўнікамі Нацыянальнага банка Рэспублікі Беларусь, распрацоўкі і ўкаранення факультатыва па фінансавай граматнасці, а таксама інтэграцыю кантэкстных задач фінансавай скіраванасці ў навучальныя прадметы.
Важным складнікам паспяховай рэалізацыі плана мерапрыемстваў Нацыянальнага Банка і Міністэрства адукацыі Рэспублікі Беларусь па супрацоўніцтву ў павышэнні фінансавай граматнасці навучэнцаў з’яўляецца цеснае ўзаемадзеянне устаноў адукацыі Рэспублікі Беларусь з прадстаўнікамі фінансавых устаноў, асабліва пры арганізацыі такіх праектаў, як правядзенне рэспубліканскай алімпіяды па фінансавай граматнасці, праца адзінага інтэрнэт-партала, распрацоўка факультатыва па фінансавай граматнасці, правядзенне міжнародага тыдня фінансавай граматнасці, другіх адукацыйных і асветніцкіх мерапрыемстваў, - адзначыла Саковіч Юлія Вячаславаўна, начальнік аддзела фінансавай граматнасці упраўлення інфармацыі і грамадскіх сувязей Нацыянальнага банка Рэспублікі Беларусь. Юлія Вячаславаўна таксама падзялілася з удзельнікамі форума перспектывамі далейшага развіцця сумесных з Міністэрствам адукацыі мерапрыемстваў.
Адным з важных падзей форума стала прадстаўленне вопыта інавацыйных пляцовак. Дырэктар ДУА "Рэчыцкі раенны ліцэй" Петкун Ірына Якаўлеўна распавяла ўдзельнікам пра магчымасці інтэграцыі фінансавай адукацыі ў сістэму ўрочнай дзейнасці. Амаль кожны навучальны прадмет мае патэнцыял для развіцця фінансавых кампетэнцый і задача настаўніка - знайсці гэтыя спрыяльныя тэмы, падабраць добры метадычны інструментарый для працы, што прадэмантравала на сваім майстар-класе настаўнік рускай мовы і літаратуры Кучар Эла Валер’еўна. Вопыт настаўнікаў ліцэя сведчыць, што выбіраючы такі складаны шлях, як інтэграцыя і рапрацоўка кантэкстных задач, можна дабіцца значых поспехаў ва ўкараненні фінансавай адукацыі ў сістэму ўрочнай дзейнсці.
Фарміраваннем фінансавай граматнасці сродкамі ўрока таксама падзялілася Керына Галіна Шэркулаўна, намеснік дырэктара ДУА "Сярэдняя школа № 2 г. Беразіно", а медыяадукацыйны складнік інавацыйнага праекта прадэманстравала настаўнік беларускай мовы і літаратуры Міхалева Надзея Сяргееўна.
Саланкова Ганна Мікалаеўна – настаўнік беларускай мовы і літаратуры з ДУА "Гімназія імя Я. Купалы г. Мазыра" правяла майстар-клас, на якім паказала прыклады працы з разнастайнай фінансавай інфармацыяй у межах сайго прадмета. Удзельнікам спадабаліся рэсурсы для правядзення філалагічных гульняў, цікавыя формы і метады, якімі падзялілася Ганна Мікалаеўна.
Для паспяховай рэалізацыі праекта неабходна глыбокае разуменне ўсіх інавацыйных працэсаў і асноўных задач па дасягненні мэты і атрымання значных вынікаў гэтай дзейнасці. Як матываваць педагогаў займацца рэалізацыяй інавацыйнага праекта? Як стварыць медыяасяроддзе ва ўстанове адукацыі? Як адсачыць дынаміку рэалізацыі інавацыйнага праекта? Адказы на гэтыя важныя пытанні дала Сямёнава Іна Уладзіміраўна, намеснік дырэктара па выхаваўчай працы ДУА "Сярэдняя школа № 5 г. Слоніма".
Афанасенка Вікторыя Валер’еўна, настаўнік інфарматыкі з ДУА "Гімназія № 46 г. Гомеля імя Блеза Паскаля" пазнаеміла ўдзельнікаў з распрацоўкай электроннага сродка навучання "Фінансы і дзеці", значную частку якога распрацавалі вучні гімназіі. Вопытам працы па факультатыву "Асновы фінансавай граматнасці" падзялілася настаўніца геаграфіі Семерная Святлана Сяргееўна.
Фінансавую адукацыі неабходна пачынаць з ранняга ўзросту. Пачынаючы вучыцца ў школе, дзіця робіць першыя крокі ў дарослае жыццё. Для таго каб ён стаў у будучыні фінансава паспяховым чалавекам, яму неабходна асвоіць азбуку фінансавай граматнасці і навучыцца лічыць грошы. Майстар-клас па фарміраванню фінансавай граматнасці вучняў І ступені агульнай сярэдняй адукацыі у межах дзейнасці бізнес клуба "Шлях да поспеху" правяла Казловіч Святлана Яўгенаўна, настаўнік пачатковых класаў ДУА "Сярэдняя школа № 11 г. Гродна імя генерала А.І. Антонава".
Як укараніць сучасныя тэхналогіі, і з іх дапамогай зрабіць працэс засваення новай інфармацыі эфектыўным, адпавядаючым патрэбам сучасных вучняў? На гэта пытанне адказаў майстар-клас "QR-падарожжа" ў краіну фінансаў, які правяла настаўніца беларускай мовы і літаратуры з ДУА "Лельчыцкая раенная гімназія" Казачэнка Ірына Грыгор’еўна. Педагогі з задавальненнем выконвалі цікавыя заданні, з дапамогай смартфонаў сканавалі інфармацыю па фарміраванню фінансавай граматнасці вучняў, падчас групавой працы паспрабавалі самастойна распрацаваць заданні з выкарыстаннем QR кодаў.
Фарміраваннем фінансавых кампетэнцый навучэнцаў сродкамі рэалізацыі разнастайных адукацыйных маршрутаў падзяліліся педагогі ДУА "Сярэдняя школа № 29 г. Віцебска" - Бразгоўка Алена Уладзіміраўна, намеснік дырэктара па вучэбнай дзейнасці, Дзімава Наталля Уладзіміраўна, настаўнік гісторыі і грамадазнаўства, Севасц’янава Анастасія Мікалаеўна, настаўнік інфарматыкі.
Форум стаў адкрытай пляцоўкай для абмену педагагічным вопытам развіцця фінансавай граматнасці вучняў на ўроках і ў пазаўрочнай дзейнасці. У межах форума прайшоў шэраг прэзентацый, майстар-класаў, ўрокаў для дарослых, правядзенне якіх дало магчымасць настаўнікам прадэманстраваць свае педагагічнае майстэрства і запазычыць новыя формы і прыемы працы ў сваіх калег.
